Feed of Арвати - kade-se-naoga-seloto-arvati

Историјата на село Арвати

2008-12-13T15:29:26+01:00

Првите податоци за село Арвати датираат од времето на цар Самоил, кога селото се викало ХАВРАТВА. Во XV-от век ('ТУРСКИ ДОКУМЕНТИ ОД XV-от ВЕК', стр. 210) ова село го носи името ХАРВАТОВО. Према првиот попис на становништвото во селото тогаш имало 8 семејства. Во прецизните турски книги е запишано дека се бавеле со земјоделство и сточарство, а посебно со одгојување на свињи, за кое плаќале голем данок. Плаќале и свадбарски данок и интересно, порез за неслужење војска. Нивите ги обработувале со помош на волови, магариња и маски. Куќите ги граделе од камен и ги покривале со трска или 'ржна слама. Облеката ја правеле од природен материјал - волна, кожа и дрво. И денес можат да се видат прекрасни делови на носијата. Посебно се обраќало внимамие на женската носија, која ја красела секоја жителка. Долго селото се викало Харвати, а денешното име, Арвати, го добива после втората светска војна.
Read All >>>

Становништво и истакнати жители

2008-12-13T15:28:06+01:00

Денес во село Арвати живеат околу 150 жители - околу 55% Албанци, а 45% Македонци. Се бават со земјоделство, виноградарство, сточарство, пчеларство, ама во главно со овоштарство. Познато е ресенското јаболко, ама се гајат и други сорти - црвен преспански делишес, после златен, па и преспански јонаголд и други. Преспанското јаболко доста успешно се гаи на ова подрачје, и затоа има се повеќе нови засади на разни сорти на јаболко. Заради извонредниот квалитет на јаболкото, од година на година има се повеќе и повеќе купувачи.
Read All >>>

Здрава клима

2008-12-13T15:27:20+01:00

Климата на село Арвати е здрава, умерено-континентална, со влијание на медитеранско - средоземна од југ. Годишно има 235 сончеви денови, летата се пријатни - деновите топли (35,5°), а ноќите ладни и идеални за добар сон и одмор. В зима температурата е и до - 23,00°.
Read All >>>

Како да се дојде до село Арвати?

2008-12-13T15:26:42+01:00

Селото Арвати се наоѓа на југозападниот дел на Македонија, 190 км јужно од главниот град Скопје, и 34 км источно од Охрид, град кој е под заштита на UNESCO, 11 км северно од Грција и североисточно од Албанија. Помеѓу два национални паркови, Пелистер и Галичица, селото Арвати е сместено на источниот брег на Преспанското езеро, во плодната Преспанска долина, на 1000 метри надморска висина, заокружено со планината Баба, во подножјето на Пелистер (2601 м), на планинската страна на националниот парк на природата. На само 29 км од селото Арвати се наоѓа градот Битола, богат со историски знаменитости, а посебно со остатоци од античкиот период. На 11 км е градчето Ресен, во чија општина селото административно и припаѓа. До селото Арвати се стигнува преку добра развиена патна мрежа, со која се и поврзани меѓународните аеродроми во Охрид (на само 34 км) и Скопје (190 км).
Read All >>>

Македонија

2008-12-13T15:25:09+01:00

Македонија се наоѓа на јуоисточниот дел на Балканскиот полуостров. Има преку 2 милиони становници: 65% се Македонци, 22% Албанци, 4% Турци, 2% Срби, 3% Роми, 4% други. По религиска припадност: православци 67%, муслимани 30%, други 3%. Пари: денар (den) =100 пари. Македонија е република со еден законодавен дом, на чие чело се наоѓа председникот. Главен град е Скопје со 952.500 становници, а поголеми градови уште се: Битола, Прилеп, Куманово, Велес, Тетово, Штип, Охрид, Ѓевѓелија. Службен јазик е македонски. Највисок врв е Кораб (2764 м). Има три природни езера - Охридско (едно од најстарите на Земјата), Преспанско и Дојранско. Најважните реки се: Вардар, Треска, Црна река, Пчиња, Брегалница, Струмица и Црн Дрим. Во Македонија климата е субмедитеранска - топли и суви лета и ладни и влажни зими. Во пониските делови на котлините најплодни се глинесто/каменестите тла, а на брдско-планинските камењарите и хумусните шумски тла. Во пониските делови преовладува дабот, јасиката и тополата, а во повисоките буката и елката, ама и зимзелени средоземни растенија. Центар на македонската култура е Охрид. Странците го викаат Балкански Ерусалим. Тоа е музеј на отворено, а културното потекло и датира уште од предисторијата. Во него свети Климент и Наум Охридски го основале првиот Сесловенски универзитет.
Read All >>>