Становништво и истакнати жители

Денес во село Арвати живеат околу 150 жители - околу 55% Албанци, а 45% Македонци. Се бават со земјоделство, виноградарство, сточарство, пчеларство, ама во главно со овоштарство. Познато е ресенското јаболко, ама се гајат и други сорти - црвен преспански делишес, после златен, па и преспански јонаголд и други. Преспанското јаболко доста успешно се гаи на ова подрачје, и затоа има се повеќе нови засади на разни сорти на јаболко. Заради извонредниот квалитет на јаболкото, од година на година има се повеќе и повеќе купувачи.

Едно од 8-те семејства, кое се споменува уште во XV-от век е семејството Бузаци т.е. Бузаковски. Човекот по кој со векови ќе се памти селото Арвати е познатиот РИСТО (ГУЛЕВ) КОТЕВСКИ (1872-1962) внук на Коте Бузаковски, а син на Гуле Бузаковски кој беше прв и последен кмет во село Арвати. Ристо беше невероватно енергичен, мудар, храбар и беше заштитеник на тоа мало село. Заедо со своите соборци Пенчо и другите комити дига востание во 1903-та година и активно се бори против Турците за слободна Македонија. Неколку пати е ранет, а после победата прв го става знамето на слободна Македонија во своето мало село Арвати. Знамето му го подарува на Македонскиот национален музеј во 1957-ма година, каде што и денес се наоѓа.

Ристо Котевски остави доста наследници кои се пространи по целиот свет. Еден од најчелните внуци на Ристо Гулев е внукот Михајло Гулевски (1941-2006) кој се настани во Нови Сад (Србија). Секој жител од село Арвати кој доаѓал во Србија во Нови Сад тој го прифаќал, го гостел и му пружел помош. Денес жителите на село Арвати зборуваат само добри зборови за Михајло Гулевски, човекот кој ќе биде запамтен за племенитоста. Со сопругата Недељка тој има два синови, Димче и Сашо, кои со своите семејства живеат во Нови Сад. Михајло ја пренесе својата племенитост и љубов према обичајот на своите наследници. Иако не се родени во Македонија, Димче и Сашо го посетуваат Арвати и ја одржуваат семејната традиција. И овај сајт е направен од Димче Гулевски, потомок на Ристо Гулевски. Димче е роден во Нови Сад во 1964-та година. Со сопругата Драгана имаат три деца - Неда, Михајло и Иван. Во потрага за својот сон, Димче изгради совршено место за уживање. Салаш 84, на коридор 10, во Нови Сад. Сашо Гулевски има две деца - Александра и Елена.

Денес во село Арвати живеат семејствата Котевци, Лозановци, Лазаровци, Грдановци, Кипревци, Крунтовци, Стерјовци, Марковци, Ненадовци, Сајновци, Секуловци, Христовци, Горговци, Пампулевци, Секуловци, Петковци, Паљуковци, Димовци у други. Помеѓу истакнатите е Алекса Лозановски, кој 2001-та година ја објави монографијата на селото Арвати. Во селото Арвати со векови живеат и Албанци. Иако се тоа становници од различни вери, во селото владее склад и слога. Меѓу Албанците има многу истакнати жители како што се: Ајредин (Рушка) Исаи (1940-2007), Дитар Исаи, Кадуш Исаи, Шукри Далипи, Али Алиу, Џемал Муареми, Фатмир Муареми, Шефкет Муареми, Фуат Азизи, Невруз Лумани, Гани Смаили, Малок Елмази, Заљо Елмази, Меро Кадриу, Асан Исаи, Есад Исаи и други. Занимливст на селото е Тефиде Исаи, која има необична способност да ги мести и лечи тие кои, далеку од лекарот, кршат рака или нога или кога ќе ги касне змија, кога се кочат или им се случува нешто слично. Дарот го наследила од предците.